Gabino de Lorenzo faló cola pita

La inauguración del congresu de Comisiones Obreres esta mañana n'Auditoriu d'Uviéu contó cola asistencia de la Pita de la Xunta. Lo más destacao d'esta nueva apaición de la representante de la Xunta Pola Defensa de la Llingua Asturiana foi l'alcuentru que tuvo con Gabino de Lorenzo. L'alcalde d'Uviéu comprometióse a facer política llingüística y preguntó-y a la pita por onde tenía d'entamar.

Una mañana alloriante pa los representantes de la Xunta Pola Defensa de la Llingua Asturiana que se concentraron esta mañana énte l'auditoriu onde se celebra'l congresu de CCOO d'Asturies del que tien que salir el sustitutu d'Alberto Rubio al frente de la central sindical. Amás de pasar un reconocimientu policial preventivu enantes de que llegaren les autoridaes convidaes (momentu que recueye la semeya), la pita faló col conseyeru Valledor sobre les acusaciones contra miembros de la organización poles que se-yos piden a dellos multes que puen ser d'hasta un millón de les antigües pesetes. El conseyeru d'esteriores, y una de les persones más comprometíes col asturianu del executivu autonómicu esplicó-yos a los representantes de la Xunta que'l so departamentu nun tenía competencia sobre l'asuntu de les sanciones.

Gabino de Lorenzo, el popular alcalde carbayón, nun quixo perder la ocasión de ver a la pita, y salió del auditoriu a falar con ella. El rexidor d'Uviéu esplicó-ya la pita que taba dispuestu a facer política llingüística y preguntó per onde podía entamar. Una toma de contactu cola Academia de la Llingua y coles autoridaes de política llingüística y la corrección de la toponimia del conceyu foron les primeres suxerencies