Gabino de Lorenzo desmárcase na llucha pola sucesión nel PP

Dempués de llevantase nel PP asturianu’l torbolín previu a la posible sustitución d’Ovidio Sánchez como cabeza visible de la formación, l’alcalde d’Uviéu Gabino de Lorenzo, ún de los activos políticos más importantes de la formación conservadora, foi’l primeru en desmarcase de cualquier llucha sucesoria nel partíu. De Lorenzo declaró nun actu públicu ayeri na Plaza’l Pescáu uvieina que namás s’enfotaba en ser alcalde d’Uviéu y que nun tenía más ambición política fuera d’ello. Sicasí, l’alcalde uviein reconoció que ye’l momentu de renovar dafechu’l partíu “ensin andar poniendo parches” en cuantes que los resultaos electorales foron malos. Sicasí, De Lorenzo nun quixo dar nomes sobre quiren podría ser el relevu d’Ovidio Sánchez. Dende’l PP l’asuntu quier tratase de manera posada, y cargos de la formación como Joaquín Aréstegui aseguren qu’Ovidio va siguir al frente del PP asturianu hasta’l próximu congresu