Fuelga xeneral n'Arxentina

El gobiernu Duhalde, salíu de la última crisis arxentina, enseñó ayeri la so cara más escura. Dos muertos a tiros pola policía tres les manifestaciones nes cais de Buenos Aires foron los detonantes de la fuelga xeneral que ta acabante de convocase naquel país, que sigue afondando na crisis. Los diarios arxentinos Clarín y Página12 espeyen abonda información sobre los sucesos d'ayeri, que tamién puen seguise al través del portal de contrainformación Indymedia. P'acceder a un estoyu curiosu d'artículos analizando les causes y consecuencies de la crisis arxentina recomendamos visitar la sección arxentina de la organización Attac, especializada nel estudiu de los movimientos especulativos de capitales como los que llevaron a l'Arxentina a l'actual bancarrota.