Fuelga nel enseñu

Los sindicatos d'enseñanza d'Asturies Fete-UXT, CCOO y Suatea tienen convocáu güei un paru nes escueles y institutos públicos del país en protesta pol proyectu de llei de calidá del enseñu que'l gobiernu estatal del Partíu Popular quier llantar ensin pasalu nin siquiera per discutiniu parlamentariu nengún. Los convocantes ven na llei un intentu de trespasar recursos de la pública a la privada y camienten qu'invade competencies autonómiques La xornada de paru va rematar con una manifestación n'Uviéu que va salir a les seyes y media de la tarde de la Estación de la Renfe. Los manifiestos de la UXT y Suatea

La fuelga de la enseñanza tien el sofitu de dellos partíos como la coalición d'izquierda Izquierda Xunida, la formación nacionalista Andecha Astur o Izquierda Asturiana, que tamién quier esparder la protesta de güei contra l'actual currículum asturianu en cuantes que tien una "visión provinciana de la rialidá asturiana, nun inclúi conteníos fundamentales pa la comprensión curiosa de la Xeografía, Hestoria y Arte d'Asturies y resulta absolutamente denigrante pa la llingua y la cultura asturianes"