Frutos dimite de la Comisión permanente d’IX

El secretariu xeneral del PCE presentó ayeri la dimisión del cargu de coordinador executivu de la Comisión Permanente d'Izquierda Xunida, ello mientres Gaspar llamazares recibía'l preste de la dirección de la coalición al informe que presentó sobre los resultaos electorales del 14 de marzu. Frutos dexó'l cargu cola sida de que nun lu informaren de la convocatoria de dos xuntes de la dirección federal.

Frutos, que sigue de secretariu xeneral del PCE, caltién tamién el puestu na Presidencia Federal d'Izquierda Xunida y nel Conseyu Políticu Federal, órganu cimeru d'IX ente asamblees.

Na so valoración de les elecciones, Llamazares faló de relanzar la coalición potenciando'l so calter d'izquierdes, pacifista y ecoloxista. El líder d'IX sigue cola idea de poner el cargu a disposición del conseyu políticu del sábadu, pero'l sofitu mayoritariu que recibió ayeri da pa camentar que nun va tener mayor problema en repetir sofitu. En pasando esta selmana, y independientemente de lo que pase nes europees, el futuru d'IX queda pendiente de la Conferencia Político-Organizativa que va facer IX pa la seronda.

En cuantes a la valoración del resultáu electoral, IX reconoz que ye "insuficiente" y diz qu'agora la xera va ser influyir nel Parlamentu desde la izquierda, destacando l'actitú de sofitar y da-y estabilidá al Gobiernu socialista en cuantes qu'esti respuenda a éste respuenda a les "demandes democrátiques" de los ciudadanos y garantice un cambéu na política española. Espaciu Alternativu y Corriente Roja foron les voces más crítiques cola valoración de les elecciones