Fraga pierde l’absoluta tres del recuentu del votu emigrante

Tres d'una xornada de recuentu del votu emigrante marcada polos ñervios y la tensión y na que'l PP a la fin nun pudo recuperar los cerca d'once mil votos que precisaba pa ganar l'últimu escañu que quedaba en xuegu na provincia de Pontevedra, Galicia amaneció güei cola noticia de que va haber cambéu de gobiernu nel Pazo Raxoi.

Tres del recuentu del votu emigrante na provincia de Pontevedra, onde'l PP llogró a la fin 15.361 votos por 13.518 del PSOE o y 1.263 del BNG; PSOE y BNG sumen 38 escaños en parlamentu gallegu por 37 del PP. A la mañana dempués de conocese'l resultáu, que se fexo públicu ayeri de nueche tres d'un recuentu difícil nel que se refugaron el 13% de les papeletes recibíes por nun tar acordies a llexislación, los líderes de PSdeG y BNG, Emilio Pérez Touriño y Anxo Quintana yá declararon públicamente esta mesma mañana n'entrevista a la cadena SER la so intención de superar diferiencies pa llegar a un alcuerdu de gobiernu conxuntu ente les dos fuerces polítiques, colo que l'adiós de Manuel Fraga al gobiernu gallegu tres de 16 años en poder pue dase yá como un fechu.

Más información en Vieiros y La Voz de Galicia