Forum 96 - Xixón Baloncestu 77

La tradicional visita a la pista'l Forum de Valladolid, qu'otros años foi la salvación del equipu xixonés na llucha pol ascensu, valió esti añu pa certificar la permala situación qu'atraviesa'l Xixón Baloncestu. L'equipu qu'entrena Moncho López namás aguantó más mal que bien, el primer cuartu, pero nel segundu flundió definitivamente. Al descansu, el marcador de 51-31 yá nun dexaba opción a un hipotéticu trunfu astur. Nel equipu de Xixón nun funcionó nada al dereches, y hasta la estrella del conxuntu, l'americanu Lou Roe, fizo un partíu de pena del que tuvo qu'acabar retirándose con una técnica. L'entrenador del Xixón, desesperáu, fizo tolos cambios que se-y ocurrieron, pero neguna sustitución valió pa conxuntar a un equipu que foi una suma d'individualidaes. Aguantar la categoría ACB vese más difícil que nunca.