Folk na selmana de Mocedá de Turón

Del 5 al 11 de mayu va desenvolvese en Turón la octava selmana de la mocedá, con actividaes de too tipu, ente les que topamos un conciertu'l sábadu día 9.

Esta selmana ta organizada pola "Plataforma Juvenil de Turón", cola collaboración del Institutu Asturianu de la Mocedá, Conseyu de la Mocedá del Principáu d'Asturies, Conceyu de Mieres y el Conseyu de la Mocedá de Mieres. Nella vamos poder ver o facer una llarga llista d'actividaes, teatru, talleres, conciertos son la ufierta d'esta selmana en Turón. Ente los distintos conciertos destaca'l del vienres día 9 de mayu, enriba del escenariu van tar los mierenses "Milicia Astur", grupu de rock que ya lleva dellos conciertos per Asturies y intenta dase a conocer como una banda con futuru nel rock asturianu, depués "Corquiéu", recién llegaos de la so mini xira per Europa, darréu la nueche va pesllase con "Tejedor", col so nuevu discu ya grabáu que ta previsto que se presente'l 3 de xunu, y "Nuberu" unos clásicos de la música asturiana.

Si queréis ver toles actividaes podéis ver el programa de la selmana calcando equí, o visitando la nuestra guia d'ociu.