Folk en San Matéu esti vienres

Trés de los nomes con más sonadía de la escena folk d'Asturies van actuar nes fiestes uvieines de San Matéu mañana vienres 17.

El primeru en subir al escenariu de la Plaza de la Catedral d'Uviéu, a eso de les 21:30 hores, va ser el cantante Chus Pedro, qu'acompañáu pola so banda, va cantar los temes del so discu en solitariu "De ñublu y orpín". Darréu va actuar el gaiteru más internacional d'Asturies como demuestra'l so reciente viaxe a Israel, Jose Angel Hevia quien va facer un repás a los cantares de los sos discos, "Tierra de nadie", "Al otru llau" y l'últimu "Etnico ma non troppo". Pa pesllar, sobre la una y media de la nueche, "Felpeyu" grupu que vien dende Xixón colos cantares de "YÁ!".