Folk asturianu dende Arxentina

Esta selmana llegonos un discu mui especial, trátase d'un cd d'un grupu arxentín que fai folk asturianu.El nome del grupu ye "Fardaxu", y ta formáu por xente relacionao col centru asturianu de Buenos Aires, los componentes son Andrea Llao: gaita asturiana, Julio Alberto (Beto) Rodríguez Simón: batería y percusión, Leandro Feigíin: xiblata travesera, Gabriel Mourelos: pianu y igües, Sebastian Llao: guitarra, caxa escocesa, percusión, Matías Feigín: tecláu, Pablo Díaz Canto: baxu.El cd lleva'l mesmu nome del grupu, y son 10 cantares nos que pueden escuchase temes como una versión del famosu "Garrotín", la tonada "Si la nieve resvala" acompañaos col Grupu Coral Covadonga, o temes más modernos como son "Les muñeires de Lisardín", tema del primer discu de "N'Arba" o el "O son do ar" col que se ficieron famosos "Luar na Lubre". Tamién hai cantares del gaiteru Flavio Benito como "Mara" o "Look us in Pernanbuco" colo que esti grupu muévese ente lo tradicional y les composiciones de músicos comtemporaneos.L'estilu del grupu ye d'un folk que podría parecese a lo que faen grupos como "Lliberdón", pero el "Fardaxu " mete en dellos temes una baería y un baxu que quier dexar una especie de posu pop, que ye caracteriza munches vegaes el soníu del grupu. Si queréis ponevos en contautu con elloos namás que tenéis qu'unviar un mail a fardaxu@yahoo.com.ar.