Folk asturiano na romería de Castiello

Esti fin de selmana son les fiestes de la parroquia xixonesa de Castiello deBernueces, el programa de varios díes acaba con un conciertu folk el domingu 27.

Trés grupos van subir al escenariu a partir de les 22:00 hores d'esti domingu en Bernueces. Los grupos son "La Bandina" de Santi Caleya cola gaita y saxu, Merce Santos na zanfona, Octavio Trapiella col curdión y David Varela y Pablo Pumarada coles percusiones. "La Bandina" tamién va actuar esti xueves 24 en Mieres a eso de les 18:00 hores de la tarde. Otra banda que va tar en Castiello ye una auténtica lleenda de folk n'Asturies, "Lliberdón", grupu de Xixón que xunta "Llan de Cubel" representa a la xeneración de músicos que dieron los primeros pasos del folk asturiano. El tercer grupu que completa'l tríu tamién son de Xixón y son "Felpeyu", que como yá diéremos anuncia toquen esti miércoles de nueche na foguera de San Xuan de Llugones.