Flook vuelven a actuar n'Asturies

El grupu inglés ye la mayor novedá na V edición
de la nueche folk de Fitoria d'esta nueche de vienres. Amás del toque
foriatu, La Bandina y La Curuxa completen el cartel.



Nel conceyu d'Uviéu, pegada a la ciudá, ta la
localidá de Fitoria qu'ufierta dende va 5 años la so nueche folk.
Anguaño la propuesta mezcla la música tradicional del país
con ún de los meyores grupos folk de la escena internacional. Asina la
música va entamar a eso de les 22:00 hores cola bandina La Curuxa.
Darréu de l'actuación d'esta bandina van tocar los ingleses
Flook. Esti grupu ya
visitó Asturies l'añu pasáu en delles ocasiones,
collechando bones crítiques ellí onde fueron. El grupu cumple en
2005 10 años de vida con trés discos nel so haber, dos d'estudiu
y un en directo, onde podemos sentir la gran técnica de les flautes de
Sarah Allen y Brian Finnegan, la guitarra d'Ed Boyd y l'alloriante bodhran de
John Joe Kelly. La nueche van pesllala los asturianos
La
Bandina, que yá tán coles maletes preparaes pa entamar la
selmana qu'entra la so primer xira per Francia actuando en dellos festivales
del país de la torre Eiffel.