Fitoria celebra la so decimoctava Nueche Folk

David Varela va encargase de lleer el pregón de les fiestes d'esti pueblu uvieín.

Un añu más Fitoria entama una Nueche Folk p'abrir cuatro díes de folixa. Ésta va comenzar al rodiu les 23 hores, depués del pregón del músicu previstu pa les 22.30 hores, y va contar cola participación un edición más de Salón Bombé, a la que se sumen La Bonturné y Spanta la Xente.

Esta xornada dedicada a la música con raigañu tradicional, na que participa'l Grupu de Baille Tradicional Fitoria, forma parte del programa de fiestes entamaes pola Sociedad de Festejos San Antonio, qu'incorpora numberoses actividaes y verbenes con Costa Norte y Pasito Show (sábadu), Tekila (domingu), y Jerusalén y Brujas (llunes). L'últimu día tamién va celebrase un festival folclóricu a les 19.30 hores colos grupos El Ventolín y el propiu de Fitoria.