Finó'l profesor José Manuel Díaz Francos

Natural de Salas, yera maríu de la escritora y crítica lliteraria xixonesa Marta Mori.

El martes finó a los 62 años na so población de nacimientu José Manuel Díaz Francos, profesor per años nel Real Institutu Xovellanos y qu'esti cursu treslladóse al IES Arzobispu Valdés-Salas pa dar docencia los últimos meses enantes de la so xubilación prevista en xineru. Un desvanecimientu mientres circulaba en bicicleta a la salida del trabayu foi la causa de la so muerte magar los intentos de ciudadanos y los servicios d'emerxencia desplazaos al llugar.

El Tanatoriu de Cabueñes, en Xixón, va acoyer a les 13 hores una Celebración de la Pallabra. Díaz Francos compartía profesión cola so muyer, Mori, profesora tamién nel Xovellanos y académica qu'hasta esta primavera ocupaba la vicepresidencia de la institución.

Dende Asturies.com queremos treslladar el nuesu pésame y unvia-y un fuerte abrazu a Marta Mori, fíos y demás familia, amás d'a compañeros de la comunidá educativa y amigos.