Fina Fidel Castro, padre de la Revolución cubana

60 años depués de la salida del yate 'Granma' de México hacia la costa de la isla.

Raúl Castro, el so hermanu y presidente de Cuba, anunció la so muerte esta madrugada. Ésta prodúxose a les 22.29 hores, hora llocal, según indicó Raúl, que tamién apuntó que los restos de Fidel Castro seríen incineraos esti sábadu por voluntá de so.

El padre de la Revolución cubana finó con 90 años, tres diez apartáu de la primer llinia política. Considerada una de les persones más influyentes del sieglu XX, la so muerte llegó'l día nel que se cumplíen 60 años de la salida del yate 'Granma' de México hacia Cuba nel que viaxó xunto a otros 81 guerrilleros, fechu que marca l'aniciu del procesu revolucionariu que se culminaría'l 1 de xineru del 1959 cola entrada victoriosa de Fidel en L'Habana.