Fin a la mázcara obligatoria nel tresporte, que sigue en centros sanitarios y residencies

El Conseyu de Ministros aprobó'l fin de la midida, que va entrar a valir esti miércoles.

Dende mañana yá nun va ser obligatorio l'usu de mázcara nel tresporte públicu. Cola espublización nel BOE de la modificación del real decretu que regula'l so emplegu nel Estáu va finar ún de los últimos usos d'esti elementu que sobrevive de les restricciones de la pandemia de COVID-19, que presenta nestos momentos cifres mui baxes d'incidencia.

Sicasí, ésta va esixise entovía en centros y servicios sanitarios, en farmacies y nos centros sociosanitarios, nesti casu pa los trabayadores y los visitantes. Asturias caltiénse, a fecha del 1 de febreru, nel nivel de circulación controlada de COVID-19, el más baxu de los previstos na estratexa estatal de siguimientu.

Imaxe d'Alexandra_Koch en Pixabay.