Fiesta nos Cursos de l'Alla

Los miembros de la Xunta pola Defensa de la Llingua que participen nos Cursos de Branu de l'Academia de la llingua Asturiana entamen esta nueche una fiesta-conciertu en Santantolín d'Ibias

El sitiu onde va facese la fiesta-conciertu ye la Sala de Fiestes Fenix, na capital del Conceyu d'Ibias, y nella va participar el grupu Tuenda de magar les 22 hores acompañaos nesta ocasión por dellos músicos convidaos, contándose cola presencia de Santi Caleya ente otros acompañando a la formación de Xosé Ambás, Pepín "Muñalén" y Elías García.

Nel mesmu sitiu del conciertu, la Xunta va instalar un puestu informativu onde va haber materiales de la propia Xunta y Xunta Moza, xunto con otros del Conceyu Abiertu pola Oficialidá.