Festival d'OI! en Xixón

El sábadu 19 podemos ver un festival d'OI! cola participación de tres grupos, dos d'ellos asturianos.

El cartel ta formáu por "Urban Discipline", grupu xixonés de punk-OI! que ta adulces dexándose ver pelos conciertos asturianos, amás de telonear nuna ocasión a "Suspenders". Los siguientes son los yá enforma conocíos "OI! N'AST ", esta banda ye una de les más afitaes na escena oi! asturiana. Dellos conciertos per tol estáu, y dalgunos en Francia o Suiza confirmalos como una banda de gran proyección. Amás solo hai que recordar l'ésitu del so primer discu "Sangre y fierru" qu'enantes de fin d'añu esperan publicar en Chile. P'acabar la nueche, "Non Servium", clásicos del OI! estatal qu'algamaron reconocimientu col so últimu discu "NSA"; esti conciertu va ser la primer visita al grupu a Asturies.

El festival va ser nel Pub el Cascayu en cimavilla, Xixón. La hora d'entamu son les 19:30 hores y el preciu la entrada ye de 4 euros.