Festival de tonada mozu en Llangréu

Esti llunes qu'entra, día 20 d'avientu, a les 20:00 hores, va celebrase'l III Festival de Tonada Mozu del Conceyu de Llangréu. Ello va ser nel Nuevu Teatru de La Felguera y colos cantantes Bibiana Sánchez García, Luis Andrés Collado Carballo, Emi Fanjul Olmo, Fernando Valle Roso, Marisa Valle Roso, Jonatan Mallada Álvarez y Aida Suárez Sánchez.

Cuéntase tamién col monologuista Fernando Fuertes Herrero, y col gaiteru Hugo Noval García. Son toos menores de trenta años, d'ehí'l nome del festival. Dellos son alumnos de Diagmina Noval, que vien collaborando col Área de Política Llingüística del Ayuntamientu de Llangréu dende qu'empecipió la so xera en payares de 2001. Va presentar el festival Manuel Rosete, coordinador del Área de Cultura y Política Llingüística del Aytu. de Llangréu.