Festival de Gaita nel centru asturianu de Bruseles

Con motivu de la Fiesta del Folclore, el conceyu de Bruseles, en collaboración con Muziekpublique y el Centru Asturianu de Bruseles, organiza un gran alcuentru de bandes de gaites na capital belga. La Banda de Gaites Villa de Xixón va ser la representante d'Asturies nesti festival que va aconceyar gaites de toles procedencies na Grand Place de la capital belga a lo llargo del fin de selmana.

En cuantes a los demas países participantes, ente ellos rescamplen el 'Bagad Keriz' de Bretaña, los estonios "Madara", la banda gallego-asturiana banda "A Contrabanda" y los locales "Antwerp&District Pipe Band" y "Belgian Bagpipe Groove Experience"

Xunta les actuaciones musicales, cada país participante va tener puestinos na grand Place p'anunciar los sos atractivos turísticos y dar a conocer los productos del país. El Centru Asturianu de Bruseles va poner pa ello dos casetes, na primera van poder probase productos asturianos, mientres que la otra va tener muestres d'artesanía y información turística.