Fernando Alonso, cuartu nel Canadá

Fernando Alonso fizo un gran papel nel Gran Premiu del Canadá d'ayeri, onde terminó en cuarta posición a mui poca distancia de los amos de la carrera, el Ferrari de M.Schumacher y los Williams de Montoya y R.Schumacher. L'asturianu llegó a marcar la vuelta rápida nuna carrera pa la qu'Alonso, col coche menos potente del pelotón de cabeza, nun contaba pa nenguna quiniela. El d'Uviéu regaló-y a l'afición un sprint final depués de la última parada a cambiar ruedes en que foi quien a come-yos un segundu por vuelta a los coches de cabeza, y per momentos llegó a ocupar la tercer plaza na carrera, que ye la que tien agora en campeonatu del mundu, empatáu a puntos col pequeñu de los hermanos Schumacher.