Faisán Montés en cautividá

Espertos de Castiella y Lleón, Galicia, Cantabria, Aragón, Navarra y Asturies participen dende mañana nel alcuentru "Cría en cautividá del Faisán Montés y la so reintroducción nel mediu natural" un eventu qu'organiza la Conseyería de Mediu Ambiente, Ordenación del Territoriu y Infraestructures del Principáu d'Asturies.
L'alcuentru, que va facese en Brañagallones, en Parque Natural de Redes, va contar con representantes d'instituciones como la Fundación Biodiversidá, la Universidá d'Uviéu, la FundaciónTerritoriu y Paisaxe, l'Institutu de Recursos Cinexéticos de Castiella-La Mancha, el Centru de Recuperación de Fauna de Sevilleja de la Jara, l'Axencia de Mediu Ambiente de Thuringia (Alemaña), la Sociedá Española d'Ornitoloxía y la Coordinadora Ornitolóxica d'Asturies.


El seminariu va centrase mayormente n'aspectos rellacionaos cola captura y el cuidáu en cautividá d'exemplares de faisán montés con vistes a la reproducción de los mesmos y cría en cautividá de laso descendencia con vistes a enxertar les críes nel mediu natural, estudiándose tamién los pass preparatorios que fuere preciso dar nel mediu natural pa da-yos les condiciones más afayadices a los animales. Esta ye la primer actividá que se fai a favor de la recuperación del faisán montés al mes de facese efectiva la so declaración como especie en peligru d'estinción.