Ezequiel Sánchez va ser el candidatu d’Unidá por Uviéu

La coalición "Unidá" qu'axunta a les formaciones polítiques Andecha Astur, Izquierda Asturiana y Los Verdes - Grupu Verde, va presentase a les elecciones pola alcaldía d'Uviéu con Ezequiel Sánchez como candidatu. La coalición d'izquierda nacionalista y ecoloxista va competir por llograr representación na capital asturiana con ún de los históricos representantes d'Andecha Astur nel conceyu. El pasáu vienres, Unidá presentare nun actu celebráu n'Avilés a los sos candidatos pa esti conceyu y los de la so contornada. Pablo Rodríguez, candidatu d'Unidá por Xixón, presentó a Xuan Gil, antiguu presidente de l'Asociación de Vecinos del Polígonu de la Madalena y de la Federación d'Asociaciones de Vecinos d'Avilés y Comarca "La Unión", que va ser el candidatu d'Unidá a l'alcaldía d'Avilés, mientres que Xosé Xicu Mata, responsable de la plataforma cultural "La Foz del Pielgu" va encabezar la candidatura por Corvera . L'independiente Javier Menéndez, llicenciáu en derechu, va encabezar la de Castrillón.