Euskomatrícules nos EEUU

Mientres n'España'l debate sobre si les matrícules de los coches han volver a tener distintivos autonómicos ta allancáu dende'l branu del2004, l'estáu norteamericanu d'Idaho, onde ta asitiada una importante colonia vasca, ta acabante d'aprebar que, dende'l 1 de xineru del añu qu'entra los automovilistes puedan poner chapes de matrícula con un diseñu euskaldún oficial.

Ello ta garantizao por un proyectu de llei que contempla estes matrícules como un reconocimientu a la contribución de los vascos na construcción del estáu d'Idaho. Hasta agora, los vascos d'Idaho podíen poner pallabres vasques nes matrícules de los sos coches, en cuantes que nos EEUU la matrícula del coche ye daqué "personal" y caún pue poner nella la pallabra o combinación de lletres que-y pete, pero amás agora esti estáu de la Unión ta acabante de dar de pasu la creación d'un modelu de placa oficial qu'enxerta un reconocimientu a la cultura vasca del llugar.

Más información n'Euskalkultura

Ver matrícules vasques d'Idaho
y otros estaos