Estrenes de cine nes pantalles asturianes

Dos películes basaes nuna serie de crímenes reales enllenen
les estrenes de la selmana nes carteleres del nuesu país. La
producción norteamericana "Zodiac", dirixida por David
Fincher -autor de "El club de la lucha" y "La habitación

del pánico"- y protagonizada por Jake Gyllenhaal y Robert Downey
Jr. cuenta la historia d'un asesín en serie qu'actuó na zona de
la Bahía de San Francisco, burlándose de les autoridaes
policiales coles sos claves y cartes durante décades. Dar caza al
cazador va convertíse nuna obsesión pa cuatro homes, una
obsesión qu'estroza les sos vides.

Per otru llau estrénase "El niño de barro",
coproducción hispano-arxentina dirixida por Jorge Algora y protagonizada
por Maribel Verdú, que narra la historia, inspirada en fechos reales y
asitiada en Buenos Aires en 1912, d'una serie d'asesinatos xabaces de menores.
El protagonista delapelícula, un neñu de 10 años, escuende
un secretu: delles vegaes la so mente llevalu a un llugar escuru de la memoria
onde ye testigu de los asesinatos. Al descubrise'l so secretu,
conviértese nel principal sospechosu. Mas estrenes de la selmana na
nuesa cartelera.