Estrenes de cine

La llegada bien llueu de les navidaes fai que les pelicules destinaes al
públicu mas mozu garren protagonismu nes carteleres. D'esti mou llega a
les pantalles asturianes "La
brújula dorada", protagonizada por Nicole Kidman y la
neña Dakota Blue Richards, una aventura fantástica que trescurre
nún mundu paralelu nel que les almes de les persones
manifiéstense como pequeños animales, hai osos parlantes que faen
la guerra y neños que desaparecen misteriosamente. Nel centru de la
historia tenemos a una neña de 12 años, qu'entaina p'atopar y
rescatar a Roger, el so meyor amigu, y qu'acaba envuelta nuna búsqueda
estraordinaria pa salvar so mundu y el nuesu.


Una producción española d'animación tamién dedicada
al públicu infantil ye otra de les estrenes. Col títulu de
"Donkey Xote", nella un burru cuenta la "verdadera"
historia de Don Quijote y defiende que nun foi un llocu, sinón tolo
contrario: un home intelixente, apasionáu y entusiasta. Mas estrenes y
tolos horarios na nuesa
cartelera.