Esti sábadu va celebrase el VI Alcuentru Cola Cultura Tradicional, dedicao esti añu a Galicia

|

El Conceyu de Cultura Tradicional Vezos Astures entama'l 9 de payares los sos VI Alcuentros, nuna edición que se va centrar na comunidá gallega. L'Antiguu Institutu de Xixón va acoyer charres y talleres impartíos por dellos investigadores gallegos.

La nueva edición de los Alcuentros Cola Cultura Tradicional de Vezos Astures va cuntar un año más con diverses actividaes. La xornada va entamar a les 11 hores con la charra “Ritos y tradición oral na nueche de tolos santos” al cargu de Berto Peña, etnógrafu de la Fundación Belenos. Darréu, el collectivu pontevedrés O Tear de Llerena falará de “A-iaña: ritual de as labradas na comarca de O condado”. Los pontevedreses tamién baillarán nel patiu central del Antiguu Institutu, seguíos de los bailles tradicionales asturianos de Vezos Astures, nunos talleres que van entamar a les 17 hores. Los alcuentros van rematar con una espicha, previa inscripción, nel lagar Bernueces de Xixón, con música en diréutu al cargu de ‘La Bontourné’.

Espérase qu'a estos alcuentros allegue públicu de toles rexones y que se xenere un verdaderu intercambiu de cultura tradicional. L'oxetivu del Conceyu de Cultura Vezos Astures ye recoyer y estudiar el conxuntu de tradiciones asturianes, con especial atención a los aspeutos rellacionaos cola música, el baille y los elementos etnográficos que lleven acomuñaos.

 

Contador Estadistiques