Esti miércoles entréguense los premios lliterarios n'asturianu de la Conseyería de Cultura

Esti miércoles 19 d’avientu, nel patiu del Palaciu Conde de Torenu, sé del RIDEA, va celebrase la gala d'entrega de los premios lliterarios 2007 en llingua asturiana de la Conseyería de Cultura. L'actu, nel que va actuar el cantautor Toli Morilla, entama a les 19.00 hores. La entrada ye llibre y n’acabando va sirvise un vinu d’honor.

El premiu de poesía Xuan María Acebal foi nesta edición 2007 pa Pablo Antón Marín Estrada (Sama de Llangréu, 1966) pol poemariu "Animal Estrañu", mientres que'l premiu «Enriqueta González Rubín» de periodismu escritu en llingua asturiana foi pa l'escritor avilesín Miguel Solís Santos ye'l ganador d’esta edición col artículu "La hemocianina de les andariques y el sangre del ciudadanu Capeto", publicáu nel diariu La Nueva España'l 15 de payares del 2005. Los premios de novela "Xosefa Xovellanos" y d'ensayu "Fuertes Acebedo" quedaron ermos.