Esther García asoleya'l poemariu en castellanu 'A veces el amor es azul'

Va presentalu en Piedrasblancas y Ḷḷuarca.

'A veces el amor es azul' (Setentayocho) ye'l trabayu nuevu de María Esther García López, autora billingüe que nesta ocasión espubliza en castellanu. Nesti poemariu la valdesana axunta 45 testos escritos nos años últimos y que diferencia en dos partes.

Tres presentalu'l mes pasáu en Cadavéu, l'autora programa dos actos nuevos pa dar a conocer la so creación nueva. La primera va celebrase esta tarde a les 19.30 hores nel Valey Centru Cultural de Castrilllón, cola presencia de l'alcaldesa Yasmina Triguero y el poeta y prologuista de la obra, Aurelio González Ovies, mentes que mañana García López va tar a la mesma hora en Ḷḷuarca, na Casa Cultura.

Na semeya, el conceyal de Cultura y Turismu de Valdés, Ismael González, y García López en Cadavéu na primer presentación de 'A veces el amor es azul'.