Estensión Universitaria pon dos cursos sobre asturianu nos medios de comunicación

La ufierta de cursos del departamentu d'estensión Universitaria de la Universidá d'Uviéu pal primer cuatrimestre del cursu 2004-2005 ta acabante d'espublizar. Nella enxértense dos cursos de gran interés pa quien tenga interés n'averase al asturianu nos contestos periodísticos al traviés de dos cursos que, con clases repartíes ente Uviéu y Xixón, van desarrollase ente ochobre del 2004 y xineru del 2005.

El primeru de los dos cursos ta dirixíu por Ramón d'Andrés y Xulio Viejo, y titúlase "Cursu de llingua asturiana nel ámbitu de la información y comunicación". Con una duración de 30 hores llectives el cursu entama l'un d'ochobre, pero'l plazu pa matriculase ta abiertu dende'l 9 de setiembre. Darréu d'esti va facese otru cursu entituláu "Cursu especializáu de comunicación audiovisual en situaciones de minorización social" baxo la dirección de Xuan Busto Cortina.

La ufierta de cursos ta disponible nel web de la universidá d'Uviéu