Esta madrugada principia la campaña eleutoral

A les 00 hores del vienres va dar entamu la campaña eleutoral más igualada de los últimos años. La llegada de partíos nuevos con posibilidaes nes urnes y la presencia d’una coalición que representa a gran parte del nacionalismu d’izquierdes, convierten a esta campaña na más esperada polos eleutores.
 
Como ye vezu, la pegada de cartelos va dar aniciu a la campaña esta medianueche en toles ciudaes del país. Candidatos y militantes entamen d’esta forma 15 díes de trabayu nos que van tratar de llevar les sos idees a los ciudadanos col oxetivu d’algamar la so confianza al traviés del votu.
 
El piesllu de la campaña ta previstu pal 21 de mayu, a les 00 hores, pa depués dar comienzu a la xornada de reflexón enantes de la cita coles urnes del día siguiente. Nesta ocasión aspiren a ocupar la presidencia d’Asturies un total de 18 candidatos, la cifra más alta na historia de la democracía.