Esquerra pide la oficialización del gallegu nel occidente asturianu

Esquerra Republicana ta acabante de presentar nel Congresu de los
Diputaos un propuesta de llei pa facer oficiales en tol Estáu les
llingües catala, vasca y gallega. Nesta "Llei de protecció i
promoció de llengües espanyoles diferents del castellà"
hai un referencia concreta la oficialización del gallegu na "franja
occidental d'Astúries".



La propuesta catalana céntrase principalmente n'oficializar les
llingües catalana, vasca y gallega en tol territoriu español. Esta
oficialidá supondría, según
esta
propuesta, que podría usase -amás del castellanu- estes
llingües en toles alministraciones d'ámbitu estatal, toles
instituciones y organismos estatales de derechu públicu con una
organización per toa España, y incluso n'empreses de serviciu de
capital públicu estatal.



Na propuesta de llei tamién s'incluye la obligación al
gobiernu español "d'adoptar midíes de protección y
fomentu de les llingües oficiales diferentes del castellanu [...] nos
territorios que formen el so dominiu llingüísticu". Asina el
documentu d'Esquerra incluye como zona
onde tien de dase esti fomentu una parte d'Asturies ensin determinar, denominada
"franja occidental d'Astúries". D'esta manera
l'aprobación d'esta llei diba suponer la oficialización per via
estatal de la llingua gallega nuna parte d'Asturies. La propuesta de llei
tamién fai referencia a la oficialización del gallegu na
"zona noroccidental de Castiella Lleón", y la del
catalán nes "comarques catalonofalantes de la zona oriental
d'Aragón".



El documentu tamién propón nuna de les disposiciones
caberes que por iniciativa de les comunidaes, los derechos previstos por esta
llei tamién puede reconocelos l'Estáu pa otres llingües del
Estáu non oficiales.