Espoxiga l'accesu a internet

L'Estudiu Xeneral de Medios diz qu'Asturies ye la quinta comunidá del estáu onde la rede internet tien más porcentaxe d'usuarios. Según los datos del EXM correspondientes a últimos del añu 2.001, el 22,7 de la población asturiana tenía accesu a la rede, más del doble que va un añu, cuando'l mesmu estudiu dio un porcentaxe del 10,7%. Con esti reblagu tan bultable, Asturies mángase nel grupu de cabeza, al altor de comunidaes como Valencia, col 21,6% o Baleares col 21,9%. A la cabeza sigue Cataluña, que tien un índiz d'usuarios d'internet del 26,6%, con una xuba d'ocho puntos del 2000 al 2001.Los datos del EXM, de cualquier manera, nun son una referencia fiable al cientu per cientu. L'EXM prepara les sos estadístiques a partir d'entrevistes personales feches al aldu. Na fola que correspuende a estos datos ficiéronse 14.668 entrevistes en tol estáu.

Contador Estadistiques