España una bomba en Xixón

Una bomba españó a les seyes y venti d'esta tarde nel Paséu de la Playa de San Llorienzo de Xixón nun solar que ta pasando la discoteca "Parque del Piles", enfrente de la escalera 20 de la playa. La bomba mancó nuna pierna a un pasisano de 78 años que paseaba pel llugar. Casi al mesmu tiempu, españaba otra bomba en Paséu Pereda de Santander, que nun causó daños personales.

Una llamada de teléfonu al diariu "Gara" avisaba a les cinco de la tarde de la esistencia de les bombes, anque ensin reivindicar l'autoría de les mesmes por nenguna organización, recibiendo otra llamada asemeyada'l periódicu cántabru "El diario montañés". Les llamaes dixeron en que cais diben tar les bombes, pero ensin especificar de qué ciudaes.