España entámala con Marruecos

El Reinu d'España y Marruecos entamáronla esti fin de selmana a cuenta d'un peñón mangáu cerca de la llinia de costa de Ceuta nel estrenchu de Xibraltar. La islla'l perexil, como la llamen n'España, o la Islla de Taura n'árabe, ye l'exe d'una engarradiella que semeya, en pequeño, a les que dacuando tienen los chinos con Taiwan o les que teníen Xapón y Rusia coles Kuriles, anque esta vegada l'oxetu de la engarrada seya una trieste peña de 500 metros, na que, arriendes del so allugamientu estratéxicu, namás crecen que los artos. L'exércitu español tien movilizaes tres fragates, submarinos y aviones pa defender un cachu tierra que dicen que ye d'ellos y que dende esti fin de selmana ta ocupáu por una docena de soldaos marroquinos. Lo cierto ye que'l peñón de marres nun tien amu, o polo menos hai un vaciu llegal mui grande sobre elli. Pa saber más recomendamos lleer esti artículu del especialista local Wenceslao Segura, asina como conocer la visión del gobiernu marroquín sobre les colonies españoles n'África. Otru artículu interesante, anque non rellacionáu directamente cola polémica, ye esti "La Ceuta que naide nun quier ver"

Contador Estadistiques