Espacio Plural plantea una alternativa política nel ámbitu estatal

|

El día 25 presentóse en Zaragoza Espacio Plural. Ye esti un proyectu políticu que sumando fuerces nacionalistes, ecoloxistes y d’izquierda de dellos llugares del Estáu, quier dar una respuesta al “bipartidismu y les polítiques de derecha”.

Chunta Aragonesista (CHA), Catalunya-Verds (ICV), Iniciativa pel Poble Valenciá, Paralelo 36 d’Andalucía, Iniciativa d’Esquerres (Baleares) y Nueva Canarias, son les principales organizaciones que formen Espacio Plural, un proyectu que se define como foru d’alderique y que pel momentu nun se va presentar a les elecciones estatales.

 “Otra izquierda ye posible” ye’l másimu esponente d’esti nuevu proyectu que se considera nel ámbitu políticu como l’embrión d’una coalición estatal alternativa a Izquieda Unida. “Ye’l momentu d’esconsonar, porque una bona parte de la izquierda social va al debalu y ensin referentes”, señaló Nieves Ibeas, presidenta de CHA, criticando les polítiques neolliberales de partíos que “ curiosamente llámense socialistes”.

Debate y convivencia
Espacio Plural planteó que’l so oxetivu a curtiu plazu ye crear un “espaciu d’alderique y convivencia” pa plantear solucciones conxuntes de la izquierda. Mónica Oltra, d’Iniciativa del Poble Valencià, señaló que toles organizaciones “caminen xuntes, cada una dende la nuesa soberanía, nuna relación horizontal”. Nel futuru sabráse si esti proyectu va presentase a les elecciones estatales yá que, como dixo Jordi Guillot – senador y vicepresidente d’ICV- les sos ambiciones “son toes y les llendes nenguna”.

La primera actuación del foru foi roblar una declaración en regufu a la reforma llaboral y d’apoyu a la fuelga xeneral.
 

Contador Estadistiques