Esitosa estrena del concursu 'La reválida', con un 11,5 por cientu de cuota de pantalla

Asitióse ente los venti programes de televisión xeneralistes más vistos esti xueves.

El concursu n'asturianu de TPA 'La reválida' tuvo ésitu ente l'audiencia na so estrena. Algamó una cuota de pantalla del 11,5 por cientu, superior a la media de la canal, que ta al rodiu del 8 por cientu nos meses últimos, y axuntó a 39.000 espectadores frente a los televisores.

Ayudó tamién a asitiar a la televisión autonómica asturiana como la cuarta canal xeneralista, superando a laSexta y a Cuatro. Un gran resultáu pa TPA y pa esti programa n'asturianu dafechu conducíu por María Cotiello, que contó nesta primer clase con Nerea Vázquez, Pedro Durán y María Díaz 'La Vikinga' como escolinos.