"La esistencia d'un Conseyu de Coordinación quita sentíu al Ciudadanu", diz Somos Asturies

Somos Asturies amosó la so discrepancia a la formación d'un Conseyu Coordinador en Podemos Xixón. Esta corriente refugó entrar nesti muérganu pese a la invitación de Xixón Sí Puede.

"La esistencia d'un Conseyu de Coordinación quita sentíu al Conseyu Ciudadanu al abrir la puerta a que les decisiones se tomen de llombu a los miembros electos", espresaron dende Somos Asturies. Mario Suárez del Fueyo, secretariu xeneral de Podemos Xixón, ufriera dos de los ocho puestos d'esti muérganu asesor a la corriente mayoritaria nel país, qu'ésta decidió refugar.

Otra manera, yá se conoz el llugar y la hora de celebración de l'asamblea próxima de Podemos Xixón prevista pal vienres cola fin de presentar a los simpatizantes el Conseyu Coordinador y esplicar el procesu de constitución de Podemos Asturies . Finalmente va ser nel Centru Municipal Integráu Pumarín-Xixón Sur a les 19 hores.