Escocia tien el so primer ministru nacionalista de la historia

Dempués del so trunfu nes pasaes elecciones, el partíu nacionalista escocés SNP va gobernar en minoría n'Escocia, onde va tener que negociar con conservadores, lliberales y verdes pa que lu sofiten nel exerciciu del cargu.
Salmond, el primer independentista en convertise en primer ministru d'Escocia, llogró pasar la investidura colos votos al favor del so partíu, el SNP, y de los dos diputaos de Los Verdes. Namás los Llaboristes votaron en contra, mientres que los Lliberales Demócrates y los Conservadores abstuviéronse. El SNP va gobernar asina en minoria tola llexislatura, contando con un alcuerdu de cooperación colos Verdes y con alcuerdos puntuales colos lliberales y los conservadores.