Entró l'euru

L'añu nuevu entama con una noticia non por conocía menos importante. Dende güei, l'euru ye la nueva moneda oficial. Anque entovía tardará unos díes en sustituyir dafechu a les pesetes, la nueva moneda lleva meses siendo portada en tolos medios y les instituciones dedíquen-y un enfotu especial pa que tola xente conoza los aspectos técnicos del nuevu mediu de pagu. L'estáu español nun ye precisamente'l que meyor web tien sobre la tema. Ensin dir muncho más p'allá, portugal tien un web mui curiosu. Por supuesto, el web oficial de la UE tien un especial sobre la tema.Más allá de la realidá práctica del euru, la divisa comunitaria llántanos delantre nuestro un panorama económicu bien estremáu del que conocíemos hasta agora. Anque la nueva moneda nun xeneró una protesta masiva, hai voces crítiques contra l'euru, como ye'l casu del Centru d'Asesoría y Estudios Sociales, que tien esti documentu críticu col procesu de creación de la moneda única.