Entrégase'l "XVI Premio Xeira de narracióis curtias" a Aurora Bermúdez Nava

Esti sábadu entrégase na Casa de Cultura d'El Franco, na conocida como A Casa das Quintas na Caridá, el "XVI Premio Xeira de narracióis curtias" a la escritora caridega Aurora Bermúdez Nava, ganadora col so relatu “Tempo de dolor”. L'actu, abiertu al públicu, va entamar a les 21:00 h. Tres la entrega del premiu intervendrá'l presidente de l'asociación Xeira, Xabiel G. Menéndez. Nuna segunda parte l'actu va contar con actuaciones teatrales y musicales.

D'esti mou
Javier del Dios, actor del grupu de teatru “Juan Manuel Méndez” d'El Franco, va actuar con un monólogu humorísticu abriendo una vía que, anque ye bien conocida al traviés de la televisión, inda ta por esplorar nel panorama teatral del occidente asturianu.
La xornada pieslla cola actuación del grupu folk Mezá.