Entamen los cursos de branu de l’Academia de la Llingua Asturiana

Güei llunes, 30 de xunu, dende les 12,45 de la mañana l'Academia de la Llingua Asturiana celebra la XXV edición de los sos "cursos de branu" que van facese, como nes últimes ediciones, na Escuela-Hogar de Santantolín, en conceyu d'Ibias. L'Alcaldesa d'Ibias Nélida Barrero, la presidenta de l'Academia, Ana Cano y el director de los Cursos, Xosé Antón González Riaño, van facer la inauguración oficial d'esta convocatoria na que van participar más de 150 alumnos y que va durar hasta'l próximu 10 d'agostu.

El programa d'estos "cursos de Branu" inclúi los yá avezaos cursos elemental y avanzáu de Llingua Asturiana xunto colos "Cursos d'Afondamientu Cultural y Llingüísticu" de temática especializada, ente los que rescamplen el de capacitación pa la traducción al asturianu o l'asturianu na rede d'internet, amás de la primer fase d'un Cursu de Gallego-Asturiano.

Los cursos tienen la reconocencia oficial de la Conseyería d'Educación del y la de l'ALLA en cuantes que "Entidá Organizadora d'Actividaes de Formación Permanente del Profesoráu" reconociéndose los cursos dende'l puntu de vista alministrativu (currículum, méritos, sexenios, etc.) pal profesoráu d'Educación Primaria y Secundaria del Principáu d'Asturies.