Entamen los actos de celebración del 70.º aniversariu de la Revolución d’ochobre del 34

El Centru d'Arte Casa Duró de Mieres ye l'escenariu onde s'inaugura esta tarde la esposición «14 díes de Revolución: arte y Revolución en Mieres», con obres de treinta y cuatro artistes asturianos de gran prestixu como Hugo O'Donnell o Maite Centol participen nesta esposición, que va tar en Mieres hasta'l 18 d'ochobre, pasando darréu pa Llangréu

La esposición forma parte del ampliu programa d'actividaes que pue consultase na web www.ochobre34.com, dende la qu'Izquierda Xunida, el Partíu Comunista d'Asturies, Bloque por Asturies y Lliberación como grupos políticos organicen, xunta l'Atenéu Obreru de Xixón, Foru Arte Ciudá, Sociedá Cultural Xixonesa y les fundaciones Juan Muñiz Zapico y Horacio Fernández Inguanzo, organicen una riestra d'actos conmemorativos de la revolución asturiana.

Uviéu, Xixón y les cuenques mineres, noyos onde se concentraron los socesos d'aquellos quince díes, van ser los escenarios de los actos previstos, qu'incluyen esposiciones como la que, baxo'l títulu "Suañu de Llibertá" organiza l'Asociación d'Es-presos y Represaliaos Políticos Antifranquistes. La proyección de la histórica película "Por el camino de Mieres" y otros documentales sobre ochobre del 34 cedíos pola Filmoteca Nacional va ser otru de los puntos más interesantes d'estes xornaes.

Con ser el más estensu, el programa qu'organicen esti garapiellu d'organizaciones que lidera Izquierda Xunida nun ye l'únicu col que se celebra una fecha tan especial. Y asina, por exemplu, Darréu, la organización xuvenil venceyada a Andecha Astur, tampoco nun quier dexar pasar la ocasión y tien previstu un conciertu conmemorativu na Sala Albéniz de Xixón pal próximu que va facese'l sábadu 9 d'ochobre

de magar les 6 de la tarde na Sala Albéniz. D'otra banda, el colectivu "Sestaferia" tamién organiza actos propios, convocando'l día 5 a facer un mural conmemorativu na Casa Sindical de Xixón y a proyecciones de filmes y documentales al aire llibre sobre la revolución el día 17 na Plaza'l Presi de la mesma ciudá

Respective a la composición de la plataforma conmemorativa d'ochobre del 34 na que tan Izquierda Xunida y CCOO, representantes del Conceyu Abiertu Pola Oficialidá reiteraron ayeri al traviés d'un comunicáu de prensa anque'l logotipu del CAO apaez na web www.ochobre34.com y n'otros materiales publicitarios ello débese a un "error de diseñu", sorrayando la plataforma que defende la oficialidá na reforma estatutaria quenun tien que ver cola organización d'estos actos del 70 aniversariu