Entamen les olimpiaes d'Atenes con abonda participación asturiana

Trece deportistes del país, cola inclusión de l'atleta cubana asitiada n'Asturies Aliuska López son la representación asturiana nes Olimpiaes d'Atenes, qu'entamaron ayeri.

Graciela Pisonero, con 21 años y que participa en Vela, ye una de les más moces d'un garapiellu de deportistes nel que tamién tan dellos que repiten, casu de la ximnasta Sara Moro o del saltador Yago Lamela

Xunta l'atleta avilesín, David Testa, que cuenta con llegar hasta les semifinales col equipu español de 4x400, mientres que la cubana Aliuska López compketa'l tríu d'asturianos nel equipu español d'atletismu y va con opciones de metese na final de los 100 metros valles.

Les piragües son la especialidá onde va haber más asturianos, con Alberto Domínguez y Rubén Alvarez, del grupu de remu de Corvera. Xunta ellos, Javier Hernanz, que va competir na K-2 1.000 metros, y Francisco Llera, que va facelo na K-2 de 500 metros. Jana Smidakova, checa de nacimientu pero criada n'Asturies dende los 7 años, y la palista de Gozón Isabel García, van ser la metada de la canoa española de k-4, que cuenta con entrar a les semifinales

El balonmanu asturianu tien representación nos dos equipos españoles. D'una parte, Alberto Entrerríos tien de ser el líder del equipu d'homes, mientres qu'Elisabeth López va ser la rebatiadora del equipu de muyeres