Entamen en Santander los "díes d'Asturies" de la emigración

El Director de l'Axencia Asturiana d'Emigración, Luis Miguel Fernández Romero asiste a la inauguración de les Fiestes de La Santina 2004 que celebra'l Centru Asturianu de Cantabria.

Los actos d'inauguración de les fiestes van facese esta mesma tarde na sé del Centru, na Cai Peñas Redondas, 17, de Santander, treslladándose darréu al Hotel Bahía n'Avenida Alfonso XIII de Santander, onde va llese'l pregón y el centru va repartir los sos premios añales, dando asina l'aniciu a trés díes de celebración que van repartise a lo llargo d'esti fin de selmana.

El de Santander ye'l centru asturianu qu'abre la riestra de celebraciones na diáspora de la patrona del país, que se conmemora en centros asturianos de tol mundu dende agora y hasta prácticamente últimos del mes de setiembre. Como novedá, esti añu l'Axencia Asturiana de la Emigración entamó un programa pa participar, cada añu nun centru asturianu distintu, la fiesta de la santina, siendo anguaño'l centru madrileñu onde van llevase los festeyos