Entama'l plazu pa la preba de conocencia de l'ALLA

L'Academia de la llingua Asturiana tien abiertu dende güei y hasta esti día 27 de xineru'l plazu pa presentase a la primera de les dos convocatories de prebes de conocencia del asturianu que fai tolos años. La preba, que da derechu al diploma de conocimientu básicu de la llingua asturiana, va ser el 29 de xineru y nella van valorase los conocimientos de teoría gramatical, práutica escrita y oral al traviés d'un esamen de dos partes, una escrita (dictáu, torna, exercicios gramaticales, redaición) y otra falada. Pa más información consultar la web de l'ALLA



D'otra manera, la Xunta Pola Defensa de la Llingua entama'l vienres 30 de xineru dos cursos d'asturianu nel so local d'Uviéu, el Llar Solidariu, nel terceru de la cai La Gascona númberu 12.

El cursu básicu, de 60 hores, entama'l 24 de xineru con horarios de 6 a 7 y media de la tarde llunes y vienres y apuntase cuesta 20 euros, mientres qu'el cursu d'afondamientu, de 30 hores, va ser los llunes y los sábados de 4 a 6 de la tarde . La organización da'l númberu de contactu 626 16 10 90 y tamién les señes na Cai San Xosé d'Uviéu del chigre de la organización "El Naranco", qu'abre de llunes a sábadu dende les 7 la tarde .