Entama'l Crossroad Festival

El Crossroad representa unos de los finxos destacaos nel panorama musical asturianu con grupos de primer orde de R&R, swing y blues, como son los míticos Stray Cats que tornen dempues d'once años con una xira pa celebrar los 25 años del grupu col so rockabilly. El conciertu del vienres va zarralu Buddy Guy una lleenda viva del blues y el másimu exponente del blues ellétricu de Chicago.

Nel cartel de los dos conciertos tenemos a grupos estremaos como Ray Gelato y la so banda de swing o Hayseed Dixie coles sos versiones d'AC/DC y Kiss con xeitu "mountain/bluegrass". Amás vamos sentir a Kings of Leon, grupu de Tennesse qu'algamo muncha sonadía dempues del so primer LP. La nota asturiana van ponela los "Trashtornados" que dende Mieres presentarán el so primer LP.

Nel conciertu de güei, nel que van participar The Meows
Hi-Risers
Hayseed Dixie
Ray Gelato y Kings of Leon el pieslle va ponelu dende les 0:45 Buddy Guy, una de les grandes estrelles del cartel. La lleenda del blues llétricu de Chicago asegura dempues de ganar de 4 grammys y 19 premios "Handy Blues" que'l blues "ye lo que me caltién mozu". Nel so historial hai conciertos xunta Eric Clapton o Muddy Waters, y güei ta acabante de grabar "Blues Singer" un album de blues acústicu dafechu. Anque'l nome de Buddy Guy nun ye conocíu pal gran públicu d'equí, el mesmu Jimi Hendrix reconocía al guitarrista de Chicago como ún de los sos mayestros.