Entama la vacunación contra la gripe

La Conseyería de Salú y Servicios Sanitarios entama güei cola campaña de vacunación antigripal. Nesta campaña del 2.003 van repartise un total de 208.000 inyecciones en 179 puntos de la rede sanitaria. La campaña, que ye de baldre, como manda la OMS, empobínase a tres grupos de riesgu, el primeru ye'l de persones con enfermedes cróniques, el segundu el de los mayores de 65 años y el terceru el de trabayadoresen sectores de riesgu de contaxu, casu de los trabayadores de la sanidá o de residencies d'ancianos. L'oxetivu de la campaña ye vacunar, polo menos, al 65% del total d'individuos qu'igüen estos grupos de riesgu, y tien un presupuestu de 748.000 euros. La empresa que ganó la contrata pa les vacunes foi la Solvay-Pharma.

Ángel López, director de Salú Pública del Principáu, quito-yos fierru a les informaciones del Ministeriu de Sanidáque falaben d'una posible epidemia de gripe y dixo que la situación nun ye más grave qu'otros años, anque convidó a tratase a xente nun enxerto en grupos de riesgu pero que sí que podíen precisar de vacuna, casu de los enfermos de diabetes o rapacinos que lleven tiempu a tratamientos médicos