Entama en Xixón el Salón del Llibru Iberoamericanu

El presidente del Gobiernu asturianu Vicente Álvarez Areces asistió ayeri xunto col El director del Salón, l'escritor chilenu asitiáu en Xixón Luis Sepúlveda, a la inauguración del Salón del Llibru Iberoamericanu de Xixón, que llega a la so décima edición, dedicada a la lliteratura infantil y xuvenil. Más de 110 editores asisten a esti certame nel que van presentase más de 40 llibros. El Centru de Cultura Antiguu Institutu va ser l'escenariu de les actividaes principales hasta'l próximu día 14.

El director del certame declaróque Xixón ye'l meyor llugar pa celebrar esti acontecimientu porque ye una ciudá onde "la cultura ye un fechu ciudadanu" y onde "la cultura llega a la so espresión más democrática" pola variedá d'ufierta existente y pola presencia de públicos determinaos pa toles espresiones.

La nota política de la inauguración púnxola'l conseyeru de Xusticia, Francisco Javier García Valledor, que nun asistió al actu con tar convidáu al nun se-y dar posibilidá de falar en público. El presidente Areces calificó l'actitú de Valledor como de "falta de respetu y desllealtá".