Entama a esclariase’l panorama pa les europees

Los partíos de la Declaración de Barcelona, BNG, PNV y CiU, llegaron a un primer alcuerdu pa presentase xuntos a les elecciones europees del 13 de xunu. L'alcuerdu, qu'agora tienen de dar de pasu les executives de los partíos, ta tamién abiertu a la entrada del Partit Socialista de Mallorca y el Bloc Nacionalista Valencià. Xunta l'alcuerdu,los partíos presentaron un documentu sobre la situación de les nacionalidaes a les que representen n'Europa. El BNG, qu'hastaagora siempres foi solu a les europees, enxértase asina por primer ocasión nuna llista conxunta con otros partíos

Xunta esta alianza a trés ente partíos nacionalistes, una segunda gran llista de partíos nacionalistes estatales compónenla de momentu Eusko Alkartasuna y Esquerra Republicana de Catalunya, que repiten asina alianza. Los dirrixentes d'ERC refugaron cualquier posibilidá de llista conxunta con CiU o la posibilidá d'amestase tolos nacionalistes del estáu nuna sola llista, como propunxo la formación vasca Aralar , y enantes de que se roblare l'alcuerdu ente BNG, CiU y PNV llegaron a pidi-y a la formación gallega que nun se dexare acompañar por partíos de dereches. El convite d'ERC al BNG fízose tamién a la Chunta Arahgonesista, qu'entovía nun tien decidío que va facer pero ye fácil que s'amieste a EA y ERC